[bookreviewn4]: sang d'encre de Atef Attia

عسلامة يا جماعة.. اي اي مازلت ما ممتش .. اما ما كنتس نجم لا نقرا كتب لا نكتبلكم خاطر كنت نعدي في الباك حشاكم.. تعدات عليا فترة صعيبة اما الحمدلله تعدات . وكيما اي فترة صعيبة تتعدا علينا نتعلمو منها حاجة, الفترة هذي خلاتني نعرف قداش انا متعلقة بالكتب و قداش حياتي تافهة بلا بيهم و هذاكا علاش نعدكم باش ماعاش نغيب عليكم

ماغير ما نطول عليكم ندخلو في الموضوع 

ليوم رجعتلكم بكتيب صغير للكاتب التونسي الشاب "عاطف عطية" اي نعم تونسي وانا فخورة بيه و ببرشا كتاب توانسة شباب قاعدين يظهرو كيما "خولة حسني" و "سامي مقدم" الي نوعدكم نقرالهم و نحكيلكم عيلهم في اقرب وقت

                               

 نحكيو توا علكتاب : هو كتاب يتمثل في اربعة حكايات, كل حكاية تنسيك فلي قبلها, كل حكاية تخرجك من واقعك و تسافر بيك لبعيد و كل ورقة تشدك باش تقرا الورقة الي بعدها لين تلقى روحك كملت الكتاب لكل,
 الحكايات فيهم برشا غموض لدرجة يخليو عندك خليط مالمشاعر كيما الخوف و الحزن و برشا حاجات منجمش نوصفهم

اما بعد ما كملت قريت تساءلت علاش عاطف اختار النوع هذا مالحكايات علاش موش حكايات وشخصيات توانسة مثلا اما تقعد هذي رؤية الكاتب و نحترمها 

.كانكم من عشاق الغموض نقلكم الي الكتاب هذا تتكتب ليلكم و نشجعكم علخر باش تقراوه  علاش لا.. تقولولي رايكم فيه

انا شريت الكتب الزوز متاع عاطف عطية من عندو و معاهم كلام ياسر حلو الي نشكرو عليه و كان انتوما زادة تحبو تاخذوهم 

  .  هذيpage  تجمو تحكيو مع  

https://www.facebook.com/Pop-Libris-Editions-366030033525077/?fref=ts

انا توا ما قعدلي باش نقلكم كان باي باي